مبارك علييكم الشهر

السلام عليكم

مع انى تونى بعالم التدوين لكن فقدتكم هاليومين..

باجر رمضان احس مومستوعبه

ماستوعبت الا من مسجات العالم

<فيس متوهق ماعنده رصيد:p

رمضاان هالسنه فيه اشياء واجد جديده بتكون بحياتى

مم حابه رمضان هالسنه يكون غير واكون من الفايزين بتعبد والصيام والتهجد والقيام

اتوقع هذا اول رمضان اصومه يمر ويكون بعز الصيف العاده اذكر نفطر وصوت المطر والهواء الحلوا

لكن كل شي بأجره

والله لرمضان نكهه وشعور سبحان الله مايحس فيها الا الى عطى رمضان حقه..

احس الحمدلله كل ذكرياتى مع رمضان حلوه بستثناء العام.

من هالذكريات

مره كنت رايحه اصلى القيام انا واختى الى اصغر منى ابوى راح صوب الرجال واحنا صوب النساء والدنياا مطررررررررررر

كاان مطر غزيير بصوره موطبييعبه..

رحنا صوب مصلى االنساء واالصدمه كان فل المصلى واالحريم لى بره طالعين!!

رديت بشوف ابوى االا اهو يصلى والسياره مقفله ومستحيل بنرجع بروحنا فمالنا الا نصلى باى مكان!

المهم ونقوم نشيل الجواتى والنعول عزكم الله ونفرش سجادتنا ونصلى واالمطر غررقناااااااااااا

كنت اتوقع صغيره او ببدااية المرحله لثانويه

لكن كانت هالصلاة متعه موطبيعيه

والاهم من هذا ابد مامرضنا لا اناا ولا اختى ع هالماى والبرد:p

تصدقون ماذكر انى كنت افطر واكل بخش والدس كنت خوش وحده بالصوم بس كان عندى اكل العلج مايفطر:p

والله رمضان متعه ..

عسى الله يكتبنا من الحين ونصومه كله ..

وماوصييكم باالقران والختمه ..حتى لوختمه وحده يعنى كل جزء نقراه بيوم واحد ويصير ب30يوم قارين 30جزء وبجذي خلصنا

والله يعين كل مغترب بيصوم بره الديره وبعيد عن اهله وناسه وخل يحتسب الاجر والله يوفقه ويسهلها عليه

ان شاء الله بكره بصور لكم اطباقى هذا ان دخلت المطبخ:p